Аз ноумеди басо умед аст...- филми навбатии иҷтимоӣ чунин ном гирифтааст, ки аз ҳаёти як оилаи маъюб қисса мекунад. Падару модар бо вуҷуди маҳдудиятҳои ҷисмонӣ бо меҳнату шикебоӣ ва муҳаббат зиндагиро пеш мебаранд ва ягона фарзанди хешро бузург менамоянд. Падар ба кафшдӯзӣ машғул аст, модар бошад бо дӯхтани либосҳои занона рӯзии худро пайдо мекунад. Духтарчаи онҳо, ки солиму бардам аст, дар корҳои рӯзмарра ба падару модар кумак мекунад ва ҳамзамон таҳсил менамояд.
Қаҳрамонҳо дар бораи кӯдакӣ, орзуҳо, табъиз, мушкилиҳои иқтисодӣ ва ҳамзамон дар бораи умед, ирода ва интихоби зиндагии мустақилона нақл мекунанд.
Маъюбият маънои нотавониро надорад ва ин филм паёми возеҳест, ки бинандаро ба тағйири муносибат ба маъюбон, эҳтироми ҳуқуқу арзишҳои инсонӣ даъват мекунад.
Филм дар доираи лоиҳаи «Дастгирии иштироки ҷомеаи шаҳрвандӣ дар татбиқи Стратегияи миллӣ оид ба ҳуқуқи инсон то соли 2038», ки бо дастгирии Департаменти давлатии ИМА (DRL) ва дар ҳамкорӣ бо IPHR амалӣ мешавад, эҷод шудааст.
Дар кӯҳистони Мастчоҳ, беш аз 300 километр дур аз Душанбе ду бародар — Ансор (11-сола) ва Мубин (7-сола) зиндагии пурмашаққат доранд. Кӯдакӣ барои онҳо на дар синфхона, балки дар чаҳор девори хона мегузарад.
Ансор ва Мубин ба бемории нодири генетикӣ — остеогенези нопурра, ё худ “устухонҳои шишагин” гирифторанд. Ҳар ҳаракати нодуруст метавонад бо шикастани устухон анҷом ёбад. Онҳо ба мактаб намераванд, модар аз тарси ҳодисаи нохӯш онҳоро иҷоза намедиҳад ва дар бораи имкониятҳои таҳсили инклюзивӣ маълумоти кофӣ надорад.
Оила маҷбур аст баъд аз чанд муддат роҳи сахти Душанберо тай кунад, то сӯзандоруҳои махсуси бисфосфонат гиранд, доруҳое, ки устухонҳоро каме қавӣ мегардонад мекунанд. Ин доруҳо гаронанд, бобо кумак мекунад, аммо имкониятҳояш маҳдуданд.
Бо вуҷуди ҳама душвориҳо, Ансор ва Мубин орзу доранд таҳсил кунанд, дӯст пайдо намоянд ва мисли дигар кӯдакон зиндагӣ кунанд.
Филми мустанади кӯтоҳи “Ансор ва Мубин” қиссае дар бораи мубориза, сабр ва умеде, ки ҳатто дар сахттарин шароит хомӯш намешавад.
Филм дар доираи лоиҳаи «Дастгирии иштироки ҷомеаи шаҳрвандӣ дар татбиқи Стратегияи миллӣ оид ба ҳуқуқи инсон то соли 2038», ки ТҶ "Хома" бо дастгирии DRL амалӣ менамояд, эҷод шудааст.
Давлатмурод Каримов дар филми хеш бобати муносибат ба бемории сил, нақши оила, табибон ва ҷомеа дар пешгирӣ ва табобати он қисса мекунад. Ҷаббор қаҳрамонии маркази филм пас аз солҳои зиндон ба хона бармегардад ва бо ҳамсараш Умеда ва писари хурдсолаш Рустам зиндагии нав оғоз мекунад. Аммо оромии оила дер давом намекунад, нишонаҳои беморӣ — сулфаи тӯлонӣ, заъф ва бад шудани ҳолати саломатӣ аввал дар падар ва баъд дар кӯдак пайдо мешаванд. Дар филм нишон дода мешавад, ки чӣ гуна ноогоҳӣ, тарс аз «шармандагӣ», бовар накардан ба табибон ва тасаввуроти ғалати иҷтимоӣ метавонанд саломатии инсон ва амнияти оиларо зери хатар гузоранд. Ҷаббор бемориро «ирсӣ» ва «табобатнашаванда» мешуморад, аз муроҷиат ба муассисаҳои тиббӣ худдорӣ мекунад ва ҳатто ба ҳамсараш иҷозаи озодона амал кардан намедиҳад. Дар муқобил, образи Умеда ҳамчун зани огоҳ ва масъул офарида шудааст. Ӯ бо вуҷуди фишор ва тарс барои саломатии фарзандаш ба табиб муроҷиат мекунад. Қаҳрамони табиби силшинос бо муносибати касбӣ, ором ва инсонӣ на танҳо ташхис мегузорад, балки роҳҳои кумак ва ҳамкорӣ бо ҷомеаро пешниҳод мекунад. Яке аз паҳлӯҳои муҳими сенария иштироки ҷомеаи шаҳрвандӣ ва ниҳодҳои динӣ аст. Бо дахолати намояндаи созмони ҷамъиятӣ ва суҳбати имоми масҷид, боварҳои нодуруст тадриҷан шикаста мешаванд. Ниҳоят, Ҷаббор ба табобат розӣ мешавад. Оила ба марҳилаи нави умед ва шифо қадам мегузорад. Анҷоми сенария паёми возеҳ дорад, табобат на танҳо дору, балки муомила, фаҳмиш, ҳамдардӣ ва дастгирии якдигар аст. Филм дар доираи лоиҳаи «Дастгирии иштироки ҷомеаи шаҳрвандӣ дар татбиқи Стратегияи миллӣ оид ба ҳуқуқи инсон то соли 2038», ки бо дастгирии Департаменти давлатии ИМА (DRL) ва дар ҳамкорӣ бо IPHR амалӣ мешавад, эҷод шудааст.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
Зиёда аз 100 рӯзноманигор, муҳаррир, мудири расона, эҷодкорони муҳтавои рақамӣ ва коршинос аз панҷ кишвари Осиёи Марказӣ масъалаҳои амнияти рақамӣ, зеҳни сунъӣ, стандартҳои гендерӣ ва рушди ҳамкориҳои минтақавиро баррасӣ менамоянд.
Конфронси дурӯза, ки рӯзҳои 14–15 сентябр баргузор мешавад, беш аз 100 рӯзноманигор, муҳаррир, мудири расона, эҷодгари муҳтавои рақамӣ, блогер, коршиноси байналмилалӣ ва ҳомии ҳуқуқро аз Қазоқистон, Қирғизистон, Тоҷикистон, Туркманистон ва Ӯзбекистон муттаҳид кардааст.
Ташкилоти мизбони конфронс Маркази рушди журналистикаи муосири Ҷумҳурии Ӯзбекистон (MJDC) мебошад. Шарики асосии минтақавии он Эътилофи миллии занони рӯзноманигори Тоҷикистон аст.
Дар маркази барномаи конфронс мушкилоте қарор доранд, ки ба фаъолияти занони расонаӣ дар Осиёи Марказӣ бештар таъсир мерасонанд. Аз ҷумла, хушунати рақамӣ ва озори онлайнӣ, дипфейкҳо ва дигар шаклҳои истифодаи нодурусти технологияҳои зеҳни сунъӣ, маълумоти бардурӯғ, сӯхтагии касбӣ, монеаҳо барои занон дар идоракунии расонаҳо ва зарурати ташкили механизмҳои устувори дастгирии касбӣ миёни кишварҳои минтақа.
Гулнора Амиршоева, роҳбари Эътилофи миллии занони рӯзноманигори Тоҷикистон мегӯяд, чанд сол пеш ман бисёр мехост, ки занони рӯзноманигори Осиёи Марказӣ дигар танҳо ҳамкороне аз кишварҳои ҳамсоя набошанд, балки ба як ҷомеаи воқеии касбӣ табдил ёбанд. Имрӯз ин идея ба воқеият табдил ёфтааст. Онҳо дигар танҳо ҳамчун намояндагони панҷ давлат ҷамъ набуда, балки ҳамчун эътилоф фаъолият мекунанд, ки арзишҳои муштарак дорад ва омода аст барои ояндаи журналистика дар минтақаи мо якҷо кор кунад.
Саида Сулаймонова, директори Маркази рушди журналистикаи муосири Ҷумҳурии Ӯзбекистон, таъкид кардааст, ки "ду сол пеш дар бораи зарурати муттаҳид шудани занони рӯзноманигори Осиёи Марказӣ суҳбат мекарданд. Имрӯз муҳим аст, ки қадами нав гузошта шавад — ҳамкориҳои минтақавиро ба низоми воқеии робитаҳои касбӣ ва дастгирии мутақобила табдил диҳанд. "Занони соҳаи ВАО, новобаста аз кишвар, бо мушкилоти хеле монанд рӯ ба рӯ мешаванд — аз таҳқир дар интернет ва фишори касбӣ то тағйироти босуръате, ки зеҳни сунъӣ ба вуҷуд меорад. Ҷавоб додан ба ин мушкилот дар якҷоягӣ самараноктар аст".-гуфтааст ӯ.
Қисми зиёди барнома ба амнияти рақамӣ ва устувории касбӣ бахшида шудааст. Дар ҷаласаҳои амалӣ иштирокчиён бо абзорҳои ҳифзи ҳисобҳои корбарӣ ва маълумот кор карда, сенарияҳои ҳамлаҳои онлайнро таҳлил мекунанд ва механизмҳои эҳтимолии дастгирии фаврии касбиро баррасӣ менамоянд.
Сафири Иттиҳоди Аврупо дар Ӯзбекистон Тойво Клаар гуфтааст, "занони рӯзноманигор дар таъмини он ки ВАО воқеаҳоро ба таври воқеӣ инъикос кунанд, нақши бисёр муҳим доранд. Аз заноне, ки “шифти шишагӣ”-ро мешикананд, аксар вақт дар шароити душвор ва ноустувор низ муваффақият интизор мешаванд. Азбаски баробарии воқеӣ ба роҳнамоии мунтазам, дастгирии ниҳодӣ ва сармоягузориҳои дарозмуддат ниёз дорад, Иттиҳоди Аврупо дастгирии ВАО-и мустақилро дар Осиёи Марказӣ идома медиҳад».
Асоси институтсионалии ҳамкориҳои минтақавӣ Ёддошти тафоҳум дар бораи таъсиси Эътилофи занони рӯзноманигори Осиёи Марказӣ мебошад, ки 3 майи соли 2024 дар Душанбе ба имзо расидааст.
Конфронси Тошканд идомаи ин кор буда, бояд қадами навбатӣ аз эъломияи ҳамкорӣ ба таъсиси робитаҳои доимии касбӣ ва ташаббусҳои муштарак бошад.
Дар ду рӯзи конфронс иштирокчиён самтҳои фаъолияти Эътилофро барои солҳои 2026–2029, имкониятҳои ташкили механизмҳои кӯмаки мутақобилаи касбӣ, инчунин лоиҳаҳои муштараки омӯзишӣ, журналистӣ ва минтақавиро баррасӣ мекунанд.
Самти дигари кор таҳияи Роҳнамои ягонаи минтақавӣ оид ба журналистикаи ҳассос ба масъалаҳои гендерӣ мебошад. Ин санад бояд барои редаксияҳои кишварҳои Осиёи Марказӣ роҳнамоҳои амалӣ ҷиҳати инъикоси касбӣ, масъулона ва мутавозини масъалаҳои гендериро пешниҳод кунад.
Дар барномаи конфронс инчунин перформанси аудиовизуалии «Акси садо: Қувваи овозҳои нонамоён» ҷойгоҳи махсус дорад. Ин асар дар пайванди санъати рақамӣ ва театри ҳуҷҷатӣ таҳия шудааст.
Муаллифон тавассути образи визуалӣ ва садоии «садои рақамӣ» муҳитеро нишон медиҳанд, ки имрӯз занони рӯзноманигор дар он фаъолият мекунанд: суханони нафратомез, ҳамлаҳои ботҳо, таъқиб дар шабакаҳои иҷтимоӣ, фишори иттилоотӣ ва дипфейкҳо.
Дар перформанс пешсафони соҳаи ВАО аз панҷ кишвари Осиёи Марказӣ иштирок мекунанд. Ҳар яке аз онҳо бо забони модарии худ манифести шаъну шарафи касбиро ироа мекунад ва дар анҷом овозҳои алоҳида ба як хори рамзии ҳамбастагии минтақавӣ муттаҳид мешаванд.
Дар барномаи конфронс ҳамчунин муҳокимаҳо дар бораи нақши занон дар идоракунии расонаҳо, сӯхтагии касбӣ ва устуворӣ, ташаббусҳои фаромарзии журналистӣ ва иқлимӣ, инчунин рушди минбаъдаи шабакаи минтақавии занони касбии соҳаи ВАО пешбинӣ шудаанд.
Дар анҷоми перформанс маросими супоридани ҷоизаи минтақавии Women Media Awards Central Asia баргузор мешавад. Ҷоиза барои қадрдонии дастовардҳои касбӣ, роҳбарӣ ва саҳми занон дар рушди соҳаи ВАО-и Осиёи Марказӣ таъсис ёфтааст.
Перформанси аудиовизуалӣ ва маросими ҷоизасупориро ширкати Artel Electronics дастгирӣ кардааст.
Созмонҳои байналмилалии шарик- намояндагиҳои Иттиҳоди Аврупо дар Ӯзбекистон, Қазоқистон ва Тоҷикистон; Ҳамоҳангсози лоиҳаҳои САҲА дар Ӯзбекистон; Дафтари барномавии САҲА дар Душанбе ва Бишкек; Намояндагиҳои ЮНЕСКО дар Ӯзбекистон ва Қазоқистон; Сафорати Швейтсария дар Ӯзбекистон; Парки саноатҳои эҷодии Қирғизистон ба ҳисоб рафта, шарики асосии минтақавӣ Эътилофи миллии занони рӯзноманигори Тоҷикистон таҳти роҳбарии раиси он Гулнора Амиршоева аст.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
ТҶ «Хома» ягона ташкилоти расонаӣ дар Ҷумҳурии Тоҷикистон мебошад, ки фаъолияти таълимии худро дар асоси иҷозатномаи Вазорати маориф ва илмии ҶТ анҷом медиҳад.
Ташкилот, барои беҳтарсозии заминаи меъёриву ҳуқуқии соҳаи ВАО, омодасозии ҳуқуқшиносони расонаӣ ва вакилони мудофеъ барои ҳимояи манфиатҳои намояндагони ВАО фаъолона фаъолият мекунад.
